På den siste loppemarknaden eg var på før sommaren fann eg eit lappeteppe. Lappeteppet var ganske stort og bestod difor av mykje stoff. Det var berre det at det ikkje var så fint sydd saman, så eg tenkte eg kunne demontere det og lage eit nytt. Og som tenkt, så gjort. No ligg teppet i epla-butikken.
Resultatet vart eit nytt lite retro krabbeteppe/piknikkteppe/eit-eller-anna-slags-teppe. Har sydd brune rammer rundt lappane for første gong, litt plunder, mykje stryking og skjæring, men resultatet vart ganske mykje betre enn om alle lappane låg inn til kvarandre. Har og laga heimelaga skråband til lukkekant. Teppet er vattert med platevatt.
Mønster: Eigen kreativitet
Stoff: Loppisstoff, bakstykke og skråband av bomullslerret frå Stoff og Stil
Ingen kommentarer:
Legg inn en kommentar