1 år!

Fadderbarnet mitt fylte 1 år i går, og i dag skal eg i barnebursdag! Det er ei stund sidan eg var i barnebursdag sist, og eg gler meg til rosa pynt og ei lita prinsesse! Syns det er heilt utruleg at den lille søte jenta allereie er 1 år! Og i høve den store dagen har eg sydd ei haustjakke med tilhøyrande hue! Håpar på at både mor og barn vert nøgd!

Eg har fora jakka sjølv og sydd på pynteknappar, medan det er trykknappar på baksida av hjerteknappane for lett å kunne ta den på og av.

Mønster: Omslagsjakke frå Barnetøj du selv kan sy 0-4 år av Günter
Stoff: Lilla polkadott-kordfløyel og blomstrete bomullsstoff frå Stoff og Stil

Hjelmhuer.. igjen.

Bestillinga eg sendte i posten for litt over ei veke sidan er kome fram, og då er det trygt å vise fram huene som vart bestilt, her på boggen. Mottakaren vart nøgd, og då er eg óg nøgd. Prøvde meg fram med å lage vendbare hjelmhuer, og det gjekk visst an det óg!

Den turkise og blomstrete er vattert, og klar for vinteren. Medan den turkise og grøne er ei vårhue.

Mønster: Hjelmhue frå Günther
Stoff: Stoff og Stil

Nye huer og oreo-cupcakes

To nye huer i str. 6 mnd, ligg på epla-butikken. I dag har eg både sydd litt og bakt litt. Mannen og eg skal på besøk i kveld for å sjå landskampen, sidan vi ikkje har kanalen den går på. For å vege opp for det maskuline innhaldet på TV-skjermen, har eg bakt feminine oreo-cupcakes som vi kan kose oss med, etter denne oppskrifta her. Gler meg til å smake, satsar på at dei er gode. Tenk å kunne ha det slik kvar dag, sy og bake. Det hadde vore noko det!

Huer på epla

Desse huene kan du finne på epla-butikken. Hjelmhuer i storleik 6 mnd og 1 år. Tynt vatterte.

Mønster: Hjelmhue frå Barnetøj du selv kan sy 0-4 år av Elsebeth Günther og Bjarne Solberg

Stoff: Stoff og stil